रोशीको बाढीपछि बनेपा, धुलिखेलसम्मै खानेपानीको संकट

काठमाडौं । रोशी कोलातीको बाढीपछि पनौती, बनेपा र धुलिखेलसम्मै खानेपानी संकट देखिएको छ। पनौती र बनेपाको मात्र नभई धुलिखेलसम्मकै खानेपानीको मुख्य स्रोत कोलाती क्षेत्रमा बाढी पहिरोले विध्वशं बनाएपछि खानेपानीको हाहाकार मच्चिएको हो ।

बाढी–पहिरोबाट पनौती–१२ मा एक अमेरिकी नागरिकसहित पाँच जनाको मृत्यु भएको थियो । तीन जना घाइतेको उद्धार गरिएको थियो । यहाँ डेढ दशकअघि एसियाली विकास बैंक र जर्मन सहयोग नियोगको सहयोगमा अर्बभन्दा माथि खर्चिएर खानेपानी आपूर्तिका संरचना व्यवस्थित बनाइएको थियो ।

बाढी र पहिरोका कारण ती सबै खण्डहर बनेका छन्। रोशी कोलातीका ७० प्रतिशतभन्दा बढी घरमा क्षति भएको छ। ५० वटाभन्दा बढी घर कोही पुरिएका छन्।