काठमाडौं । सोमबार र मंगलबार नेपालको मौसम खुला रहेपनि र बुधबारबाट पुनः वर्षा हुने सम्भावना रहेको छ। सोमबार अपराह्नपछि पहाडी भेगमा बादल लाग्ने सम्भावना रहेको त्रिभुवन विश्वविद्यालय जल तथा मौसम विज्ञानका उपप्रपाध्यापक विनोद पोखरेलले बताए। पोखरेलका अनुसार मंगलबार पूर्वी नेपालमा कोशी प्रदेशमा अपराह्नपख हल्का वर्षाको सम्भावना रहेको छ त्यस्तै बागमती र गण्डकीमा पनि बादल लाग्ने तर वर्षाको सम्भावना छ ।
बुधबारदेखि यो हप्ताभरि गण्डकीदेखि कोशीसम्मै अपराह्नपख वर्षाको सम्भावना रहेको छ भने पश्चिम नेपालमा भने वर्षाको सम्भावना छैन । बंगालको खाडीमा विकास भएको न्यूनचापीय प्रणाली नेपालतिर सर्दा बिहीबारदेखि शनिबार साँझसम्म लुम्बिनी प्रदेशसम्म भारी वर्षा भएको थियो ।
मौसमविद्हरूले मनसुनी वायु, बंगालको खाडीमा विकास भएको न्यूनचापीय प्रणाली र अरब सागरसमेतबाट आएको उच्च जलवाष्ययुक्त हावा मिसिँदा नेपालमा घनघोर वर्षा भएको बताएका थिए । काठमाडौं उपत्यकाका ११ स्थानसहित देशभर २५ ठाउँमा वर्षाले यसअघिका रेकर्ड ब्रेक गरेको थियो । यस वर्ष मनसुन लम्बिने देखिएको छ।
नेपालबाट असोज १६ पछि मनसुन बाहिरिनुपर्नेमा केही दिन लम्बिने संकेत देखिएको छ भने मनसुन लम्बिने संकेत देखिएकाले दसैंमा पनि पानी पर्ने सम्भावना रहेको मौष्मविदहरुको भनाई छ । । यस वर्षको मनसुनयाममा औसतभन्दा बढी वर्षा भइसकेको छ
