लेखा समितिमा पनि उठ्यो गिरीबन्धु टी इस्टेटको सवाल

काठमाडौं । संसदको सार्वजनिक लेखा समितिको बैठकमा पनि गिरीबन्धु टी–इस्टेटको विषयमा कुरा उठेको छ ।

शुक्रबार बसेको समितिको बैठकमा कांग्रेस सांसदहरूले गिरीबन्धु टी–इस्टेटको विषयमा छलफलको माग राखेका हुन् ।

बैठकमा कांग्रेस सांसद राजेन्द्रकुमार केसीले भने, ‘गिरीबन्धु टी–इस्टेटको विषयमा के कसो भएको हो, त्यसको जानकारी सरकारसँग माग गर्नुपर्ने र त्यसआधारमा छलफल गर्नुपर्ने भएको छ ।’

झापाको गिरीबन्धु टी–इस्टेटको जग्गा कानुन बनाएर ३४३ बिघा १० कठ्ठा जग्गा अन्य ठाउँमा सट्टापट्टा गर्न सकिने बाटो खोलिएको विषय अहिले चौतर्फी चर्चामा छ ।