सुन तस्करी अनुसन्धानका लागि नियन्त्रणमा लिइएका चिनियाँ नागरिकको शंकास्पद मृत्यु

काठमाडौं । सुन तस्करी प्रकरणको अनुसन्धानका लागि नियन्त्रणमा लिइएका एक चिनियाँ नागरिकको शंकास्पद मृत्यु भएको छ ।

६० किलो सुन तस्करी प्रकरणमा जाँचबुझ आयोगको प्रतिवेदन सार्वजनिक भएपछि एक चिनियाँ नागरिकको शंकास्पद मृत्यु भएको भएको हो ।

यसअघि पहिलो चरणको अनुसन्धानमा केन्द्रीय अनुसन्धान ब्यूरो (सीआईबी)ले बयान लिएका चिनियाँ नागरिक ग्याल्बु लामाको अनुसन्धानकै क्रममा शंकास्पद मृत्यु भएको पाइएको हो ।

सुन तस्करीमा संलग्न र फरार चिनियाँ नागरिकसँग ग्याल्बुको सम्पर्क भएको देखिएपछि सीआईबीले २०८० को भदौमा उनलाई सोधपुछका लागि बोलाएको थियो ।