रवि लामिछाने भन्छन्- सरकारीको रकम ग्यालेक्सी टिभीमा लगानी हुनु गलत हो, तर यसमा म जिम्मेवार छैनँ

काठमाडौं । ग्यालेक्सी टिभीमा गलत तरिकाबाट सहकारीको रकम आएको रास्वपा सभापति एवम् पूर्वगृहमन्त्री रवि लामिछानेले स्वीकारेका छन् ।

उनले सहकारीको रकम टिभीमा लगानी हुनु गलत भए पनि त्यसमा आफ्नो संलग्नता चाहिँ नभएको बताएका छन् ।

धनगढी विमानस्थलमासञ्चारकर्मीहरुसँग कुरा गर्दै लामिछानेले भने, ‘गोर्खा मिडिया लगायतका संस्थाहरुमा सहकारीबाट गलत ढंगले पैसा गएको स्थापित भएको कुरा हो । तर त्यसमा मेरो संलग्नता छैन ।’

आफू गोर्खा मिडियामा भएकै कारण अरुले गरेको बेइमानीको जिम्मेवारी नलिने उनको भनाइ थियो ।