सिन्धुपाल्चोकको जुरेमा फेरि पहिरो, अरनिको राजमार्ग अवरुद्ध

काठमडौं । अविरल वर्षापछि सिन्धुपाल्चोकको जुरेमा फेरि पहिरो खसेको छ । पहिरोका कारण बुधबार अरनिको राजमार्गअन्तर्गत जुरे खण्ड अवरुद्ध बनेको छ ।

सीमाक्षेत्र तातोपानी र बाह्रबीसेबाट काठमाडौं हिडेका दुई दर्जनभन्दा बढी यात्रुबस, बोलेरो, कन्टेनरजस्ता सवारीसहित यात्रु जुरे पहिरो क्षेत्रमा अलपत्र परेका छन् ।

२०७१ सालमा जुरेमा भीषण पहिरो खसेको थियो । त्यसपछि बर्सेनिजसो यहाँ पहिरो खसिरहेको छ ।