काठमाडौं । रामेछापको दोरम्बामा खसेको पहिरोमा पुरिएर मृत्यु भएका ६ जनाको शव फेला परेको छ । शैलुङ गाउँपालिका–३ टोकरपुरस्थित लेकखर्कमा खसेको पहिरोले पुरिएको अवस्थामा घटनास्थलबाट शव निकालिएको प्रहरीले जनाएको छ ।
प्रहरीका अनुसार चण्डिका श्रेष्ठ, १८ महिने बालक आमुस श्रेष्ठ, उर्मिला पहरी, सन्दीप पहरी, विज्ञान पहरी, सन्तोष पहरीको शव पहिरोबाट निकालिएको हो ।
पहिरोमा पुरिएका चारजना बेपत्ता छन् । उनीहरुको खोजी भइरहेको छ । पहिरोमा फड्की पहरी, काले पहरी, झ्याउकिरी पहरी, बिन्दा पहरी बेपत्ता छन् । पहिरोमा परेर घाइते अवस्थामा अञ्जना पहरीको उद्धार गरिएको छ ।
यता बाढीले रामेछाप र दोलखाको सिमानामा रहेको मिल्ती खोलाको पुलमा समेत क्षति पुर्याएको छ ।
