पहिरोले इन्द्रावती नदी थुनियो, तटीय क्षेत्रका नागरिकको भागाभाग

काठमाडौं । तिपेनीमा सुख्खा पहिरो खसेर इन्द्रावती नदी थुनिएको छ । पहिरोले नदी थुनिएपछि तटीय क्षेत्रका नागरिकमा त्रास बढेको छ ।

बाढीको त्रास बढेसँगै यस क्षेत्रका नागरिक सुरक्षित क्षेत्रतर्फ गइरहेका छन् ।

जिल्ला प्रशासन कार्यालयले एक सूचना जारी गरी मेलम्चीलगायत तटीय क्षेत्रका नागरिकलाई सुरक्षित रहन आग्रह गरेको छ ।