टीआरसी विधेयकसम्बन्धी भएको सहमति प्रतिवेदन शीर्ष नेतालाई बुझाइयो

काठमाडौं । संक्रमणकालीन न्यायसम्बन्धी (टीआरसी) विधेयकसम्बन्धी भएको सहमति प्रतिवेदन शीर्ष नेतालाई बुझाइएको छ । विधेयकसम्बन्धी विवादित विषय टुंगो लगाउन गठित कार्यदलले प्रधानमन्त्री केपी शर्मा ओलीसिहत शीर्ष नेताहरूलाई प्रतिवेदन बुझाएका हुन् ।

कार्यदलले एक साताअघि नै दलहरुसँगको समन्वयमा विवादित विषयमा सहमति जुटाइसकेको थियो । उक्त सहमतिको प्रतिवेदन आज सिंहदरबारमा दलका शीर्ष नेतालाई बुझाएको हो ।

गत बिहीबार तीन दलका तीन नेता, कानुन समितिका सभापति र कानुनमन्त्रीबीच भएको छलफलमा विवादित सबै विषयमा सहमति जुटेको थियो ।

लामो समयदेखि विवादित रहेको द्वन्द्वकालमा भएको हत्यालाई कसरी परिभाषित गर्ने भन्ने विषय टुंगिएपछि सहमति भएको हो ।