बंगलादेशको प्रधानमन्त्रीबाट राजीनामा दिएकी हसिना भारतको शरणमा

काठमाडौं । बंगलादेशको प्रधानमन्त्री पदबाट राजीनामा दिएकी शेख हसिना भारतको शरणमा पुगेकी छन् । प्रदर्शनकारीले कार्यालय घेरेपछि देश छाडेर हिँडेकी हसिना भारतको शरणमा पुगेकी हुन् ।

उनले देश छाडेलगत्तै राजीनामा दिएकी थिइन् । पदबाट राजीनामा दिएकी प्रधानमन्त्री हसिना आफ्नी बहिनीसँगै हेलिकोप्टरमा बांग्लादेशको राजधानी ढाकाबाट प्रस्थान गरेकी थिइन् ।

पछिल्लो समय उनीविरुद्ध आन्दोलन चर्किएको थियो । गत जुलाई १५ बाट भएको आन्दोलनका कारण बंगलादेशमा तीन सयभन्दा बढीको मृत्यु भइसकेको छ ।