एकैदिन दुई हजारभन्दा बढीले घट्यो सुनको भाउ

काठमाडौं । सुनको भाउ एकैदिन दुई हजारभन्दा बढीले घटेको छ ।

नेपाल सुनचाँदी व्यवसायी महासङ्घका अनुसार शुक्रबार सुनको मूल्य प्रतितोला दुई हजार २०० ले घटेर एक लाख ६८ हजार १०० कायम भएको छ ।

बिहीबारको सुनको मूल्य १लाख ७० हजार ३ सय रुपैयाँमा कारोबार भएको थियो ।

महासङ्घका अनुसार आज चाँदीको मूल्य भने स्थिर छ । चाँदीको मूल्य प्रतितोला एक हजार ९१५ मा कायम भएको छ ।